ٹرمپ کی ایران کو سخت وارننگ
واشنگٹن: امریکی صدر ڈونلڈ ٹرمپ نے ایران کو خبردار کیا ہے کہ اگر ایرانی قیادت نے فوری اقدامات نہ کیے تو اسے سنگین نتائج کا سامنا کرنا پڑے گا۔
صدر ٹر مپ نے سوشل میڈیا پلیٹ فارم ٹرتھ سوشل پر اپنے بیان میں کہا کہ ایران کے لیے وقت تیزی سے گزر رہا ہے اور ان کے لیے بہتر ہوگا کہ جلد پیش رفت کریں، بصورت دیگر بہت کچھ کھو سکتے ہیں۔ انہوں نے زور دیا کہ وقت انتہائی اہم ہے۔
ٹرمپ کا یہ بیان ایسے وقت سامنے آیا ہے جب ایران کے ساتھ مذاکرات میں پیش رفت نہ ہونے کی اطلاعات ہیں، جس کے باعث واشنگٹن میں تشویش بڑھ رہی ہے۔
دوسری جانب خبر رساں ادارے رائٹرز نے ایکسیوس کے حوالے سے رپورٹ کیا ہے کہ صدر ٹرمپ منگل کو امریکی قومی سلامتی کے اعلیٰ مشیروں کے ساتھ ایک اہم اجلاس کریں گے، جس میں ایران کے حوالے سے فوری کارروائی سمیت مختلف آپشنز پر غور کیا جائے گا۔
مبصرین کے مطابق یہ پیش رفت مشرق وسطیٰ میں بڑھتی ہوئی کشیدگی کے تناظر میں نہایت اہم سمجھی جا رہی ہے، جبکہ عالمی برادری صورتحال پر گہری نظر رکھے ہوئے ہے۔
Table of Contents
https://dailytimeline.pk/?p=9927
About The Author
