او جی ڈی سی ایل سروے کیمپ سے چوری شدہ ڈیزل اور پیٹرول 200 روپے لٹر کے حساب سے فروخت ہونے لگا ۔ذرائع
فتح جنگ ( ملک عادل شہزاد ) — تحصیل فتح جنگ کے گاؤں شہرائے بہادر میں قائم Oil and Gas Development Company Limited کے سروے کیمپ (SP1) سے وابستہ گاڑیوں سے مبینہ طور پر بھاری مقدار میں ڈیزل اور پٹرول چوری کیے جانے کا انکشاف ہوا ہے۔ ذرائع کے مطابق چوری شدہ ڈیزل اور پٹرول مبینہ طور پر 200 روپے فی لیٹر کے حساب سے فروخت کیا جا رہا ہے۔
اطلاعات کے مطابق کیمپ میں تعینات بعض ڈرائیورز اور افسران کی مبینہ ملی بھگت سے سرکاری ایندھن غیر قانونی طور پر نکال کر فروخت کیا جا رہا ہے، جس کے باعث قومی ادارے کو بھاری مالی نقصان پہنچنے کا خدشہ ہے۔
عوامی حلقوں کا کہنا ہے کہ ایک جانب حکومت مہنگے پٹرولیم مصنوعات کے باعث کفایت شعاری اور ایندھن کی بچت پر زور دے رہی ہے، جبکہ دوسری جانب ایک قومی ادارے کے کیمپ سے مبینہ طور پر ڈیزل اور پٹرول کی چوری ہونا کئی سوالات کو جنم دے رہا ہے۔
علاقہ مکینوں کے مطابق پٹرول اور ڈیزل کی بڑھتی ہوئی قیمتوں نے عوام کو شدید مشکلات سے دوچار کر رکھا ہے، ایسے میں سرکاری وسائل کے ضیاع اور قومی خزانے کو نقصان پہنچانے والے عناصر کے خلاف فوری اور شفاف کارروائی ناگزیر ہے۔
واضح رہےکہ فتح جنگ پولیس او جی ڈی سی ایل سروے کیمپ (SP1)کی گاڑیوں سے ڈیزل اور پیٹرول چوری والے ملزمان کو رنگے ہاتھوں پکڑ مقدمہ بھی درج کر چکی ہے لیکن تاحال شکایات کا ازالہ نہ ہو سکا
عوامی حلقوں نے مطالبہ کیا ہے کہ معاملے کی مکمل تحقیقات کر کے ذمہ دار افراد کے خلاف قانونی کارروائی عمل میں لائی جائے اور قومی خزانے کو ہونے والے نقصان کا ازالہ کیا جائے۔
اس حوالے سے او جی ڈی سی ایل سروے کیمپ (SP1) کے پارٹی چیف عنایت اللہ بلوچ سے بھی مؤقف لینے کے لیے ان سے رابطہ کیاگیا لیکن تاحال ان کی جانب سے کوئی مؤقف موصول نہ ہو سکا ۔
اگر وہ اپنا مؤقف دینا چاہیں تو اس کو بھی شائع کیا جائے گا ۔
Table of Contents
https://dailytimeline.pk/?p=10241
https://timelinenews.com.pk/pakistans-narowal-dialogue-bridges-continents/
About The Author
