ترکیہ میں پاکستان ریلوے کی جدید کاری کے لیے اہم پیش رفت — حنیف عباسی کی TCDD تکنیک کے ڈائریکٹر جنرل اور ماہرین سے ملاقات
ترکیہ — 30 جولائی 2026
وفاقی وزیر ریلوے محمد حنیف عباسی کی ترکیہ کے TCDD تکنیک کے ڈائریکٹر جنرل مصطفیٰ اوزدونر اور ان کی ٹیم سے ایریامان مانیٹرنگ سینٹر میں اہم ملاقات ہوئی۔ ملاقات میں پاکستان اور ترکیہ کے درمیان ریلوے کے شعبے میں جدید ٹیکنالوجی، ڈیجیٹلائزیشن اور تکنیکی تعاون کو مزید فروغ دینے کے امور پر تفصیلی تبادلہ خیال کیا گیا۔
وفاقی وزیر ریلوے نے ٹرین آپریشنز، ٹریفک مینجمنٹ، جدید سگنلنگ، سینٹرلائزڈ ٹریفک کنٹرول اور ڈیجیٹل ریلوے نظام کے حوالے سے ترک ماہرین کے تجربات اور جدید نظام کا جائزہ لیا۔ ملاقات میں پاکستان ریلوے میں جدید سگنلنگ، سینٹرلائزڈ ٹریفک کنٹرول اور ڈیجیٹل آپریشنز کے نفاذ کے لیے ترکیہ کے تجربات سے استفادہ کرنے پر اتفاق کیا گیا۔
دونوں جانب سے ریلوے ماہرین کے درمیان تکنیکی تعاون، تربیت، تجربات کے تبادلے اور استعدادِ کار میں اضافے کے پروگرامز کو فروغ دینے پر بھی اتفاق کیا گیا۔
ملاقات میں مصنوعی ذہانت (AI)، پیش گوئی پر مبنی تجزیات (Predictive Analytics) اور اسمارٹ ریلوے ٹیکنالوجیز کے شعبوں میں باہمی تعاون کے امکانات کا بھی جائزہ لیا گیا۔
ایم ایل ون اور ایم ایل تھری کی جدید کاری کے تناظر میں جدید مرکزی ٹریفک مینجمنٹ نظام کے قیام اور ٹرین آپریشنز کو مزید محفوظ، مؤثر اور جدید بنانے کے امور پر بھی تفصیلی گفتگو ہوئی۔ وفاقی وزیر ریلوے محمد حنیف عباسی نے ریلوے سیفٹی، ایمرجنسی رسپانس اور مؤثر ٹرین آپریشنز کے لیے ترک ماہرین کے تجربات سے بھرپور استفادہ کرنے میں گہری دلچسپی کا اظہار کیا۔
ملاقات میں اس عزم کا اظہار کیا گیا کہ پاکستان اور ترکیہ کے دیرینہ برادرانہ تعلقات کو ریلوے کے شعبے میں جدید ٹیکنالوجی اور عملی تعاون کے ذریعے مزید مضبوط بنایا جائے گا۔
Table of Contents
https://timelinenews.com.pk/belarus-defence-delegation-meets-pak-air-chief/
https://dailytimeline.pk/?p=10535
About The Author
