پاکستان وزیر دفاع خواجہ آصف نے کہا ہے کہ مصدقہ اطلاع ملی ہے کہ بھارت پاکستان میں دہشتگردی کیلئے ٹی ٹی پی، بی ایل اے جیسے تنظیموں کو مسلح کر رہا ہے۔
جیونیوز کے پروگرام آج شاہ زیب خانزادہ کے ساتھ میں گفتگو کرتے ہوئے وزیر دفاع خواجہ آصف کا کہنا تھا کہ بھارت کالعدم تحریک طالبان پاکستان اور کالعدم تنظیم بلوچ لبریشن آرمی کو پاکستان میں دہشت گردی کے لیے مسلح کرکے پنجاب اور سندھ سمیت پورے پاکستان میں دہشت گردی کی خلاف استعمال کرنے والے ہیں ۔
انہوں نے کہاکہ پہلگام حملے میں جس تنظیم کا نام لیا جارہا ہےاسے کوئی جانتا بھی نہیں۔ پلواما اور سکھوں کے قتل میں بھی ایسی ہی ڈمی تنظیموں کے نام لیے گئے۔ یہ بھارت کے انٹیلی جنس اہل کار ہیں جو قتل عام کر رہے ہیں، ہم کراچی سے گلگت تک ہائی الرٹ رہیں گے۔
وزیردفاع خواجہ آصف نے برطانوی میڈیا سے گفتگو کرتے ہوئے کہا کہ دنیا کو دونوں جوہری ملکوں کے درمیان کشیدگی پر فکر مند ہونا چاہیے۔ بھارت کی کسی بھی مہم جوئی کا بھرپور جواب دیا جائے گا، دونوں ملکوں کے درمیان تصادم کے تباہ کن نتائج برآمد ہوں گے۔
سکے علاوہ نائب وزیراعظم اور وزیر خارجہ اسحاق ڈار نے جیو نیوز کے پروگرام شاہ زیب خانزادہ کے ساتھ میں گفتگو کرتے ہوئے کہا کہ پہلگام واقعے سے متعلق بھارت کے پاس ڈرامہ کے علاوہ اگر کوئی ثبوت ہے تو ہمیں دکھائے،ہم کھلے دل سے دیکھنے کے لیے تیار ہیں۔
اسحاق ڈار نے کہاکہ البتہ ہمارے پاس بلوچستان میں راءکی مداخلت کے کافی شواہد موجود ہیں۔ ہم سیاسی اور سفارتی محاز پر ہر طرح سے تیار ہیں۔ہم نے بھارتی اقدامات کے جواب میں اقدامات اٹھالیے ہیں۔بھارت اگر کوئی ایڈونچر کرتا ہے تواس کے لیے ہماری افواج تیار ہیں،بہتر ہوگا کہ بھارت کوئی غلط سوچ نہ رکھے۔
About The Author
