آذربائیجان نیول فورسز کے کمانڈر کی نیول ہیڈ کوارٹرز میں چیف آف دی نیول اسٹاف سے ملاقات
اسلام آباد، 03 فروری 2026: آذربائیجان نیول فورسز کے کمانڈر، ریئر ایڈمرل شاہین ممدوف نے نیول ہیڈ کوارٹرز اسلام آباد میں سربراہ پاک بحریہ، ایڈمرل نوید اشرف سے ملاقات کی۔
نیول ہیڈ کوارٹرز آمد پر چیف آف دی نیول اسٹاف نے معزز مہمان کا استقبال کیا۔ پاک بحریہ کے چاک و چوبند دستے نے انہیں گارڈ آف آنر پیش کیا۔ بعدازاں، معزز مہمان نے یادگارِ شہداء پر پھولوں کی چادر چڑھائی اور نیول ہیڈ کوارٹرز کے پرنسپل اسٹاف آفسرز سے ان کا تعارف کرایا گیا۔
بعدازاں سربراہ پاک بحریہ سے ملاقات کے دوران دونوں سربراہان نے باہمی دلچسپی کے امور، علاقائی میری ٹائم سیکیورٹی کی صورتحال اور تربیت و دفاع کے شعبوں میں تعاون بڑھانے کے طریقوں پر تبادلہ خیال کیا۔
دونوں رہنماؤں نے موجودہ دوطرفہ دفاعی تعلقات کے دائرہ کار کو مزید وسعت دینے اور مستحکم کرنے کے عزم کا اعادہ کیا۔ معزز مہمان کو پاک بحریہ کے جاری منصوبوں کے بارے میں بریفنگ بھی دی گئی۔
پاکستان اور آذربائیجان کے درمیان دیرینہ برادرانہ تعلقات قائم ہیں جن میں قریبی بحری تعاون نمایاں ہے۔ آذربائیجان نیول فورسز کے کمانڈر کے اس دورے سے مجموعی طور پر دونوں ممالک اور بالخصوص دونوں ممالک کی بحریہ کے درمیان دوطرفہ تعاون کو مزید فروغ ملے گا۔
ڈائریکٹر جنرل پبلک ریلیشنز (نیوی)
لیبیا کی عرب مسلح افواج کے ڈپٹی کمانڈر ان چیف کی نیول ہیڈ کوارٹرز میں سربراہ پاک بحریہ سے ملاقات
اسلام آباد، 03 فروری 2026: لیبیا کی عرب مسلح افواج کے ڈپٹی کمانڈر ان چیف، لیفٹیننٹ جنرل صدام خلیفہ حفتر نے نیو ل ہیڈ کوارٹرز اسلام آباد میں سربراہ پاک بحریہ، ایڈمرل نوید اشرف سے ملاقات کی۔
نیول ہیڈ کوارٹرز آمد پر چیف آف دی نیو ل اسٹاف نے معزز مہمان کا استقبال کیا۔ ملاقات کے دوران دونوں رہنماؤں نے باہمی دلچسپی کے امور، خطے کی میری ٹائم سیکیورٹی کی ابھرتی ہوئی صورتحال اور دفاع و عسکری تربیت کے شعبوں میں تعاون کو مزید فروغ دینے کے طریقوں پر تبادلہ خیال کیا۔
لیفٹیننٹ جنرل صدام خلیفہ حفتر نے علاقائی امن اور بحری تحفظ کے لیے پاک بحریہ کے کلیدی کردار کی تعریف کی۔ دونوں رہنماؤں نے موجودہ دو طرفہ دفاعی تعلقات کے دائرہ کار کو مزید وسعت دینے اور مستحکم کرنے کے عزم کا اعادہ کیا۔
ڈائریکٹر جنرل پبلک ریلیشنز (نیوی)
Table of Contents
https://timelinenews.com.pk/bangladesh-air-chief-calls-pakistan-air-chief/
https://dailytimeline.pk/?p=9562
About The Author
