بنیان مرصوص
تحریر۔کبیرحُسین
گزشتہ روزساحل سمندرکراچی سے برف پوش چوٹیوں تک اورواہگہ بارڈرسے چمن تک پورے ملک سے بچوں،بزرگوں،نوجوانوں،ماؤں بہنوں کی زباں پرایک ہی نعرہ تھا”ہم ہیں بنیان مرصوص“۔خطہ میں دہشتگردوں کے سہولتکار،امن کے دُشمن اورفاشسٹ بھارت کوآپریشن بنیان مرصوص ومعرکہ حق میں عبرتناک شکست دینے کوایک سال مکمل ہوگیاہے۔پورے ملک میں یکجانیت اورجوش وخوروش دیدنی ہے۔اِس حوالے سے ملک بھرکے تعلیمی اداروں،مذہبی،سماجی اورعوامی سطح پربھرپورتقاریب کاانعقادکیاجارہاہے اورمادرعزیزکے عظیم ثپوتوں کونہ صرف خراج تحسین پیش کیاجارہے بلکہ ایک نئے عزم اور عہدکااعادہ بھی کیاجارہاہے کہ انشااللہ ہمیشہ مادرعزیزکے دُشمن کوعبرتناک شکست سے دوچارکریں گے۔وفاقی وزارت اطلاعات ونشریات کاقلمدان اِس وقت وفاقی وزیر عطاء اللہ تارڑ کے پاس ہے۔عطاء اللہ تارڑ جہاں ایک سیاسی گھرانے کے چشم وچراغ ہیں وہیں انہوں نے عملی سیاست اور وزارت کاقلمدان سنبھالتے ہی ثابت کردیاہے کہ وُہ ایک قابل وزیر بھی ہیں۔عطاء اللہ تارڑ سابق صدر اسلامی جمہوریہ پاکستان محمد رفیق تارڑ کے پوتے اورمسلم لیگ ن کی انتہائی زیرک اورمتحرک سیاستدان سابق وفاقی وزیربرائے صحت سائرہ افضل تارڑ کے بھانجے ہیں۔ عطاء اللہ تارڑنے جہاں اطلاعات ونشریات کیلئے انقلابی اقدامات کئے ہیں وہیں پاکستان کے موثر،جامع موقف کوبھی بھرپوراُجاگرکررہے ہیں۔خصوصاًگزشتہ سال ہی آپریشن بنیان مرصوص اور معرکہ حق کے موقع پروزیر اطلاعات نے عالمی میڈیامیں بھارتی جارحیت اورفالس فلیگ آپریشنز کے حوالے سے بھرپورآوازاورثبوت کیساتھ بھارتی پروپیگنڈے سے اقوام عالم کوآگاہ کیا۔اِسی طرح آپریشن بنیان مرصوص میں کامیابی کے بعد بھی پاکستان کے امن کے حوالے سے اقدامات سے آگاہ کررہے ہیں۔
گزشتہ روزہی معرکہ حق کی کامیابی کے ایک سال مکمل ہونے پروفاقی وزارت اطلاعات ونشریات کی جانب سے ”بنیان مرصوص۔ہمیشہ تیارہیں ہم“ملی نغمہ بھی جاری کیاگیاجبکہ وفاقی وزارت اطلاعات کے زیراہتمام اِس اہم کامیابی کے ایک سال مکمل ہونے پرمرکزی تقریب کاانعقادپاکستان مونومنٹ پرگیا۔تقریب میں صدر مملکت آصف علی زرداری،وزیر اعظم اسلامی جمہوریہ پاکستان محمد شہبازشریف،چیئرمین سینٹ سید یوسف رضا گیلانی، سپیکر قومی اسمبلی سردار ایاز صادق،چیف آف آرمی سٹاف وچیف آف ڈیفنس فورسز فیلڈ مارشل حافظ سید عاصم منیر، مسلح افواج کے سربراہان،وفاقی کابینہ کے ارکان مختلف ممالک کے سفراء، سول وعسکری حکام، شہداء کے لواحقین اور زندگی کے مختلف شعبہ زندگی سے تعلق رکھنے والی شخصیات نے شرکت کی۔مرکزی تقریب میں سرسبزہلالی پرچموں اورملی نغموں نے خوب لہوگرمایااوراپنے محافظوں کوخراج تحسین پیش کیا۔وزیراعظم اسلامی جمہوریہ پاکستان محمدشہبازشریف نے 10 مئی کو یوم معرکہ حق کے نام سے منسوب کرنے اور ہر سال یہ دن انتہائی جوش وجذبے سے منانے کا اعلان کرتے ہوئے کہا ہے کہ آپریشن بنیان مرصوص ہماری تاریخی عسکری کامیابی ہی نہیں قومی غیرت، اصولوں اور خودداری کی تابناک فتح ہے،بھارت آج تک پہلگام فالس فلیگ آپریشن کا ایک بھی ثبوت پیش نہیں کر سکا،پاکستان کے سچ کے بیانیے کی فتح ہوئی،ہمارے بہادر سپوتوں نے دشمن کو ایسا جواب دیا کہ اسے جان کے لالے پڑ گئے،ہمارے شاہینوں کی جرات اور فتح میزاؤں نے دشمن کے فضائی دفاعی نظام کو نیست و نابود کر دیا اور وہ چار گھنٹوں میں ہی جنگ بندی کی درخواست پر مجبور ہو گیا،شہداء کے خون اور عظیم روایات کے امین ارض پاک کے سپوتوں کو سلام پیش کرتے ہیں،فیلڈ مارشل سید عاصم منیر کی دانشمندانہ اور دلیرانہ قیادت میں افواج پاکستان نے بہادری کے نئے باب رقم کیے ہیں،دفاع وطن کے مقدس فریضہ کے لیے پوری قوم اپنی بہادر افواج کے شانہ بشانہ کھڑی ہے۔
قارئین کرام!
معرکہ حق وآپریشن بنیان مرصوص کی کامیابی تاریخ میں سُنہری حروف سے لکھی جاچکی ہے اوراِس میں کوئی شک نہیں کہ پاکستانی قوم نے ایک دفعہ پھردُنیاپرواضح کردیاہے کہ
حق وباطل کے معرکہ میں سدا
فتح بالیقین ہیں ہم لوگ
آج امریکہ ایران کشیدگی اور جنگ کے بعد سے نہ صرف بڑی بڑی معیشتیں ہچکولے کھارہی ہیں بلکہ دُنیابھرکی نگاہیں اِس وقت پاکستان پرمرکوزہیں اورپاکستان نے تاریخ رقم کرتے ہوئے امریکہ اورایران کومذاکرات کی میزپربٹھایا۔مذاکرات کی کامیابی وناکامی علیحدہ بحث ہے اوردونوں فریقین کاپاکستان پربھرپوراعتماد دُنیامیں پاکستان کی کامیاب سفارتکاری اورلیڈرشپ کامنہ بولتاثبوت ہے۔اِس وقت پاکستان عالمی بحران کے خاتمے کیلئے سفارتی محاذپربھی کوششیں جاری رکھے ہوئے۔آج بحثیت قوم اورمعرکہ حق کی کامیابی کوایک سال مکمل ہونے پرجہاں ہمیں اپنی افواج،سیکیورٹی اداروں پرفخرہوناچاہیے وہیں عصرحاضر کے مسائل سے نمٹنے کیلئے
Table of Contents
https://timelinenews.com.pk/lucky-irani-circus-the-ceasefire-in-islamabad/
About The Author
