وزارت اطلاعات و نشریات
اسلام آباد۔17مارچ (اے پی پی):وزارت اطلاعات و نشریات نے افغان طالبان رجیم کے بدنام زمانہ نام نہاد ترجمان کے دعوے کو حقائق کی ایک اور غلط رپورٹنگ قرار دیتے ہوئے کہا ہے کہ اس کا مقصد عوامی رائے کو گمراہ کرنا ہے۔ فیکٹ چیکر، وزارت اطلاعات و نشریات کی جانب سے پیر کو جاری بیان میں کہا گیا ہے کہ 16 مارچ کی رات کابل اور ننگر ہار میں موجود افغان طالبان اور فتنہ الخوارج کی اُن فوجی تنصیبات اور دہشت گردوں کے معاون انفراسٹرکچر کو نشانہ بنایا گیا جن میں تکنیکی آلات اور اسلحہ و گولہ بارود کے ذخائر موجود تھے جنہیں معصوم پاکستانی شہریوں کے خلاف استعمال کیا جا رہا تھا۔ حملے کے بعد ذخیرہ شدہ گولہ بارود کے دھماکے بھی ماسٹر ٹیرر پراکسی کے جھوٹے دعوے کی مکمل طور پر نفی کرتے ہیں۔ بیان میں کہا گیا ہے کہ پاکستان کی جانب سے اہداف کو انتہائی درستگی اور احتیاط سے نشانہ بنایا جاتا ہے تاکہ کسی قسم کا ضمنی نقصان نہ ہو۔ بیان میں مزید کہا گیا ہے کہ ان حقائق کو منشیات کے علاج کے مرکز کے طور پر پیش کرنا دراصل عوامی جذبات کو بھڑکانے کی کوشش ہے جس کا اصل مقصد سرحد پار دہشت گردی کی غیر قانونی حمایت کو چھپانا ہے۔ افغان حکومت کے نام نہاد ترجمان کا بیان جھوٹا اور گمراہ کن ہے جسے مسترد کیا جاتا ہے۔Table of Contents
https://timelinenews.com.pk/bangladesh-air-chief-calls-pakistan-air-chief/
https://dailytimeline.pk/?p=9600
About the Author
