عالمی بینک کا کرائسز ریزیلینٹ سوشل پروٹیکشن پروگرام
اسلام آباد 6 اپریل 2026
چیئرپرسن بینظیر انکم سپورٹ پروگرام سینیٹر روبینہ خالد کی زیر صدارت آج بی آئی ایس پی ہیڈکوارٹرز میں کرائسز ریزیلینٹ سوشل پروٹیکشن (CRISP) پروگرام پر پیش رفت حوالےسے عالمی بینک کے وفد کا اختتامی اجلاس منعقد ہوا۔
اجلاس کے دوران چیئرپرسن بی آئی ایس پی نے شفافیت اور آپریشنل کارکردگی کو مزید بہتر بنانے کے لیے نظرثانی شدہ سروے سوالناموں، اسپاٹ چیکس، پراکسی مینز ٹیسٹ اور ریسرٹیفکیشن کے عمل کی اہمیت پر زور دیا۔ انہوں نے کہا کہ ری سرٹیفکیشن کے عمل کا تسلسل برقرار رکھنا، نگرانی کے نظام کو مضبوط بنانا اور مستحقین کی آراء کو شامل کرنا ضروری ہے تاکہ سروسز کو مزید بہتر بنایا جا سکے اور امداد حقیقی مستحق خاندانوں تک بروقت پہنچے۔
ورلڈ بینک کے وفد کی قیادت جناب امجد ظفر خان، سینئر سوشل پروٹیکشن اسپیشلسٹ اور ٹاسک ٹیم لیڈر نے کی جبکہ وفد میں جناب گل نجم جامی، سوشل پروٹیکشن کنسلٹنٹ اور محترمہ سارہ نظامی شامل تھیں۔ مشن نے تعلیم، صحت اور غذائیت سے متعلق اقدامات پر اپنی رپورٹ پیش کی اور بتایا کہ بی آئی ایس پی نے متعدد اہداف کامیابی سے حاصل کرتے ہوئے نمایاں پیشرفت کی ہے۔
اجلاس میں کلاؤڈ بیسڈ ڈیٹا شیئرنگ، مستحقین پر مبنی ادائیگی کے نظام اور ہائبرڈ سوشل پروٹیکشن اسکیم پر بھی تفصیلی گفتگو کی گئی۔ جناب امجد ظفر خان نے کرائسز ریزیلینٹ سوشل پروٹیکشن پروگرام کے تحت بی آئی ایس پی کی کارکردگی کو سراہتے ہوئے سماجی تحفظ کے اقدامات کو مزید مؤثر بنانے کے لیے ورلڈ بینک کی جانب سے مکمل تکنیکی معاونت اور تعاون جاری رکھنے کی یقین دہانی کرائی۔
اجلاس میں ایڈیشنل سیکرٹری بی آئی ایس پی ڈاکٹر عصمت نواز، ڈائریکٹر جنرلز اور دیگر سینئر افسران نے بھی شرکت کی۔
Table of Contents
https://dailytimeline.pk/?p=9260
About The Author
