لاہور یونیورسٹی آف مینجمنٹ سائنسز اور آغا خان یونیورسٹی میں شراکت داری
لاہور،21 مئی : لاہور یونیورسٹی آف مینجمنٹ سائنسز اور آغا خان یونیورسٹی نے ایک مفاہمتی یادداشت (MoU) پر دستخط کیے ہیں جس کے تحت دونوں ادارے تحقیق، جدت اور تعلیم کے شعبوں میں مشترکہ اقدامات شروع کریں گے تاکہ پاکستان کو درپیش اہم ترقیاتی چیلنجز سے نمٹا جا سکے۔
یہ بین الشعبہ جاتی شراکت داری دونوں اداروں کی تکمیلی صلاحیتوں کو یکجا کرتی ہے تاکہ مشترکہ طور پر ایسے حل تیار کیے جا سکیں جو پاکستان اور اس سے باہر کی کمیونٹیز کی زندگی اور فلاح و بہبود کو بہتر بنائیں۔ یہ تعاون صحت، پبلک ہیلتھ، ماحولیاتی تبدیلی اور ماحولیات، تعلیم، پائیداری اور جامع ترقی سے متعلق اہم مسائل کو براہِ راست حل کرے گا۔
اس مفاہمتی یادداشت کے تحت آغا خان یونیورسٹی کی میڈیسن، پبلک ہیلتھ اورریسرچ کے نفاز میں مہارت کو لاہور یونیورسٹی آف مینجمنٹ سائنسز کی مصنوعی ذہانت، ڈیٹا سائنس، سماجی و رویاتی علوم، ہیومینٹیز، پبلک پالیسی، معاشیات اور گورننس میں مہارت کے ساتھ یکجا کیا جائے گا۔ دونوں ادارے ایسے تحقیقی نتائج پیدا کریں گے جو نہ صرف تعلیمی لحاظ سے مضبوط ہوں بلکہ قابلِ توسیع، پالیسی سے متعلق اور حقیقی دنیا کی ضروریات پر مبنی بھی ہوں۔
لاہور یونیورسٹی آف مینجمنٹ سائنسز کے وائس چانسلر ڈاکٹر علی چیمہ نے کہا:
“پاکستان کے شہریوں کی فلاح و بہبود کو متاثر کرنے والے اہم چیلنجز سے نمٹنے کے لیے مختلف شعبوں کی مہارت کو یکجا کرنا ضروری ہے۔ یہ شراکت داری صحت، ٹیکنالوجی، سماجی علوم اور پالیسی کے امتزاج کے ذریعے مؤثر حل تیار کرنے میں مدد دے گی۔”
آغا خان یونیورسٹی کی پرووسٹ ڈاکٹر ٹانیہ بیوبلا نے کہا:
اس طرح کی شراکت داریاں ا س لئے اہم ہیں کہ کوئی بھی ادارہ تنہا ان پیچیدہ مسائل کو حل نہیں کر سکتا۔ دونوں ادارے مل کر تحقیق، انسانی تجربے اور مصنوعی ذہانت کو یکجا کر کے علم کو عملی اثرات میں بدل سکتے ہیں۔’
اس تعاون کے تحت مشترکہ تحقیقی منصوبے، تعلیمی پروگرامز، سیمینارز، ورکشاپس، انٹرن شپ،تحقیقی تقرری، اساتذہ کے تبادلے، اور ایگزیکٹو ایجوکیشن اقدامات شامل ہوں گے۔ یہ مفاہمتی یادداشت تحقیق کے انتظام، گرانٹس کی تیاری، تحقیقی اخلاقیات اور گورننس کے نظام، اور ادارہ جاتی استعداد کار کو مضبوط بنانے کے لیے بھی تعاون کو فروغ دے گی۔ یہ مفاہمتی یادداشت ابتدائی طور پر پانچ سال کے لیے مؤثر رہے گی۔
Table of Contents
https://timelinenews.com.pk/lums-honoured-at-the-awards-asia-2026/
https://dailytimeline.pk/?p=10333
About The Author
