پرامن اورمستحکم پاکستان
تحریر۔کبیرحُسین
حال ہی میں مادرعزیزمیں گلگت بلتستان کے انتخابات انتہائی پرامن اورشفاف طریقے سے مکمل ہوئے ہیں جن میں پاکستان پیپلزپارٹی نے 9، آزاد امیدواروں نے5،مسلم لیگ ن نے 5اورایک نشست پرایم ڈبلیوایم نے کامیابی حاصل کی۔ حکومت سازی کے لیے کسی بھی جماعت یا اتحاد کو 17 نشستوں کی سادہ اکثریت درکار ہے۔انتہائی مثبت اورمثالی ہم آہنگی کامظاہرہ کرتے ہوئے نہ صرف مسلم لیگ ن نے بلکہ وزیر اعظم اسلامی جمہوریہ پاکستان محمد شہبازشریف نے پاکستان پیپلزپارٹی کے کامیاب اُمیدواروں کومبارکبادپیش کی۔اِسی طرح قائدمسلم لیگ ن میاں محمد نوازشریف نے بھی صدرمملکت آصف علی زرداری اورچیئرمین پاکستان پیپلزپارٹی بلاول بھٹوزرداری کومبارکبادپیش کی۔حکومت سازی کے حوالے سے دونوں جماعتوں کے درمیان ملاقاتیں جاری ہیں عنقریب گلگت بلتستان میں حکومت سازی کامرحلہ مکمل ہوجائے گااورگلگت بلتستان کی ترقی وخوشحالی کیلئے دونوں جماعتیں مل کرکام کریں گی۔بلاشبہ گلگت بلتستان کوآئینی حقوق دینے کے حوالے سے پاکستان پیپلزپارٹی کی بہترین کاوشیں اوراقدامات شامل ہیں جبکہ ترقیاتی کاموں خاص کرشاہراہوں کی تعمیرکے حوالے سے مسلم لیگ ن نے انقلابی اقدامات کئے ہیں۔
خیر۔ہماراموضوع پرامن ومستحکم پاکستان ہے توجہاں مادرعزیزاِس وقت ترقی کی نئی سیڑھیاں عبورکررہاہے وہیں دُشمن بھی اپنی نِت نئی ناکام سازشیں رچارہاہے۔بلوچستان،خیبرپختونخوامیں فتنۃ الہندوستان،فتنۃ الخوارج کی جہاں بھارت سے فنڈنگ ہورہی ہے تووہیں افغانستان بھی اِس مکرہ اورانسانیت کے قاتلوں کی سرپرستی میں شامل ہے۔ لیکن۔الحمداللہ پاکستان کی چٹان صفت مسلح افواج،سیکیورٹی ادارے فیلڈمارشل آرمی چیف حافظ جنرل سیدعاصم منیرکی قیادت میں دہشتگردی کامکمل خاتمہ کررہے ہیں۔آپریشن غضب اللحق میں بچے کھچے دہشتگردوں،اِن کے ٹھکانوں،اِن کے سہولتکاروں کاخاتمہ کیاجارہاہے۔اگرخارجہ محاذکی بات کی جائے تووزیر اعظم اسلامی جمہوریہ پاکستان محمدشہبازشریف کی زیرقیادت پاکستان نے انتہائی قلیل مدت میں بہت کامیابیاں سمیٹی ہیں۔امریکہ ایران کشیدگی اورپھرجنگ بندی کے حوالے سے پاکستان کی کاشوں کوآج پوری دُنیاسراہ رہی ہے۔گزشتہ روزہی امریکی صدرڈونلڈٹرمپ نے ایک دفعہ پھرکھل کروزیر اعظم پاکستان محمدشہبازشریف اورفیلڈمارشل آرمی چیف حافظ جنرل سیدعاصم منیرکی امن بحالی کے حوالے سے کاوشوں کوبھرپورسراہاہے۔وزیر اعظم محمدشہبازشریف کی کاوشیں مسلسل جاری ہیں کہ جلدازجلددونوں فریقین کے درمیان کوئی معاہدہ ہوجائے تاکہ عالمی بحران کاخاتمہ ہو۔اگرمعیشت کے حوالے سے بات کی جائے تومسلم لیگ ن کی حکومت نے اپناتیسرابجٹ پیش کردیاہے بجٹ میں کم آمدنی والے طبقات کوبھرپورریلیف دینے کی کوشش کی گئی ہے اِسی طرح حکومتی معاشی پالیسیوں کی بدولت سمندرپارپاکستانیوں کابھی حکومت پر بھرپوراعتمادبڑھ رہاہے۔ گزشتہ ماہ مئی میں بیرون ملک مقیم پاکستانیوں کی جانب سے ریکارڈ3.4ارب ڈالرترسیلات زرمادرعزیزبھیجی گئیں۔ماہانہ بنیاد پر 20.2 فیصد اور سال بہ سال بنیاد پر 15.4 فیصد اضافی ترسیلات زر بھیجے گئے جو پاکستان کی معیشت کے حوالے سے انتہائی خوش آئند ہے۔مادرعزیزکی ترقی ومستحکم ہوتے پاکستان کودیکھتے ہوئے دُشمن کے پیٹ میں جہاں مروڑاُٹھ رہے ہیں وہیں جھوٹی خبروں اورافواہوں کاسہارالے رہاہے۔گزشتہ چنددِنوں سے آزادکشمیرمیں احتجاج کے نام پرپرتشددمظاہرے اورتوڑپھوڑ،فائرنگ،اشتعال انگیزی کرنیوالی کالعدم ایکشن کمیٹی کے تانے بانے بھی دُشمن سے مل رہے ہیں۔حالانکہ پاکستان کی پوری تاریخ کشمیرکے حوالہ سے قربانیوں،ساتھ،یکجہتی،ہمدردی،بھائی چارے سے عبارت ہے اورپاکستان اورکشمیری عوام بھی یکجاں ہیں۔لیکن۔کچھ عرصہ سے احتجاج کے نام پرچندپرتشدداورسازشی عناصر نہ صرف کشمیری عوام کیلئے وبال جان بنے ہوئے ہیں بلکہ کشمیرکازکوبھی نقصان پہنچارہے ہیں جبکہ آزادکشمیر حکومت مظاہرین سے کئی مرتبہ مذاکرات اورمطالبات بھی مان چکی ہے۔اِسی طرح وفاقی نمائندے بھی مذاکرات کاحصہ ہیں لیکن اِس کے باوجود نفرت انگیزتقاریر،توڑپھوڑ،سرکاری املاک کوجلاناسراسرملک دُشمنی اوردُشمن کی آلہ کاری ثابت ہورہی ہے۔آج وقت کاتقاضا ہے کہ کشمیری عوام بھی اِن محسن کش اور انتشاری ٹولے کا بائیکاٹ کریں۔
قارئین کرام!
آج وقت کاتقاضاہے کہ بحثیت قوم اجتماعی طورپرحکومت پاکستان،افواج پاکستان،سیکیورٹی اداروں کے شانہ بشانہ کھڑے ہوں اور دُشمن کی ہرسازش کوناکام بنائیں۔انشااللہ پاکستان جس تندوہی سے ترقی کی سیڑھیاں عبورکررہاہے بہت جلدایشین ٹائیگر ثابت ہوگا۔مگر۔آج ضرورت ہے توبابائے قوم حضرت قائد اعظم محمد علی جناحؒ کے فرمان ”ایمان۔اتحاد اور تنظیم“کیساتھ مل کرصرف اور صرف پاکستان کیلئے کام کرنے کی۔
Table of Contents
About The Author
