اسلام آباد، 18 جولائی 25
: لیبیا کی مسلح افواج کے کمانڈر انچیف لیفٹیننٹ جنرل صدام خلیفہ حفتر نے نیول ہیڈ کوارٹرز اسلام آباد میں چیف آف دی نیول اسٹاف ایڈمرل نوید اشرف سے ملاقات کی۔
نیول ہیڈ کوارٹرز پہنچنے پر لیبیا کی مسلح افواج کے کمانڈر انچیف کا سربراہ پاک بحریہ نے استقبال کیا۔ ملاقات کے دوران دونوں رہنماؤں نے باہمی دلچسپی کے امور، علاقائی میری ٹائم سیکیورٹی، تربیت اور دفاع میں تعاون کے دائرہ کار پر تبادلہ خیال کیا۔ ایڈمرل نوید اشرف نے ریجنل میری ٹائم سیکیورٹی پٹرولز کے ذریعے خطے میں میری ٹائم سیکیورٹی اور امن کو یقینی بنانے کے لیے پاک بحریہ کے اقدامات پر روشنی ڈالی۔
لیفٹیننٹ جنرل صدام خلیفہ حفتر نے خطے میں میری ٹائم سیکیورٹی کی مشترکہ کوششوں کے لیے پاک بحریہ کے کاوشوں کو سراہا۔ دونوں رہنماؤں نے موجودہ دوطرفہ دفاعی تعاون کو مزید مضبوط بنانے کے عزم کا اعادہ کیا۔
پاکستان اور لیبیا کے درمیان قریبی بحری تعاون کے ساتھ دیرینہ برادرانہ تعلقات ہیں۔ لیبیا کی مسلح افواج کے کمانڈر انچیف کے دورے سے دونوں ممالک کے درمیان دوطرفہ تعاون کو مزید فروغ ملے گا۔
ڈائریکٹر جنرل پبلک ریلیشنز (نیوی)
About The Author
