راولپنڈی
آرڈی اے کا تجاوزات کے خاتمے کیلیے راولپنڈی بھر میں بلاتفریق گرینڈ آپریشن جاری
یونیورسٹی ٹاؤن کے سروس روڈ پر تجاوزات مسمار روڈ کلیئر، غیر مجاز مارکیٹ اور مارکیٹنگ آفس سر بمہر
ڈی جی آر ڈی کنزہ مرتضیٰ کی ہدایت پر آرڈی اے نے تجاوزات اور غیر قانونی تعمیرات کے خلاف کریک ڈاؤن تیز کر دیا
کارروائی شہر میں زوننگ قوانین پر سختی سے عمل درآمد کو یقینی بنانے کے لیے جاری مہم کا ہے
آر ڈی اے راولپنڈی شہر کی منظم ترقی اور قانون کی حکمرانی کو یقینی بنانے کے لیے پرعزم ہے ، ڈی جی آر ڈی اے
تجارتی اداروں کو متنبہ کرتے ہیں کہ وہ مناسب منظوریوں کے بغیر کسی بھی قسم کی تعمیر یا تجارتی سرگرمی سے گریز کریں ، کنزہ مرتضیٰ
اقدامات وزیراعلیٰ پنجاب محترمہ مریم نواز شریف کی ہدایات پر عمل کرتے ہوئے کیے جا رہے ہیں ، کنزہ مرتضیٰ
وزیراعلی نے تجاوزات اور غیر قانونی سرگرمیوں پر زیرو ٹالرنس پالیسی اپنانے کی سخت تاکید کی ہے ، کنزہ مرتضیٰ
21 جولائی 2025
آرڈی اے کا تجاوزات کے خاتمے کیلیےراولپنڈی بھر میں بلاتفریق گرینڈ آپریشن جاری۔
آر ڈی اے کا یونیورسٹی ٹاؤن کے سروس روڈ پر تجاوزات مسمار کر دی گئیں، روڈ کلیئر، غیر مجاز مارکیٹ اور مارکیٹنگ آفس کو سر بمہر کر دیا گیا۔
راولپنڈی: ڈائریکٹر جنرل راولپنڈی ڈویلپمنٹ اتھارٹی کنزہ مرتضیٰ کی ہدایت پر انفورسمنٹ سکواڈ آرڈی اے نے تجاوزات اور غیر قانونی تعمیرات کے خلاف کریک ڈاؤن تیز کر دیا ہے۔ آپریشن میں آر ڈی اے نے یونیورسٹی ٹاؤن کی سروس روڈ کو کلیئر کر دیا، تجاوزات مسمار کر دیں، ایک غیر قانونی مارکیٹ اور مارکیٹنگ آفس کو سیل کر دیا گیا ہے۔ ترجمان آر ڈی اے کے مطابق یہ کارروائی شہر میں زوننگ قوانین پر سختی سے عمل درآمد کو یقینی بنانے کے لیے جاری مہم کا اہم مرحلہ ہے۔ ڈی جی آر ڈی اے کنزہ مرتضیٰ نے اس موقع پر کہا آر ڈی اے راولپنڈی شہر کی منظم ترقی اور قانون کی حکمرانی کو یقینی بنانے کے لیے پرعزم ہے۔ ہم تمام تجارتی اداروں کو متنبہ کرتے ہیں کہ وہ مناسب منظوریوں کے بغیر کسی بھی قسم کی تعمیر یا تجارتی سرگرمی سے گریز کریں۔ انہوں نے مزید کہا کہ یہ اقدامات وزیراعلیٰ پنجاب محترمہ مریم نواز شریف کی ہدایات پر عمل کرتے ہوئے کیے جا رہے ہیں، جنہوں نے تجاوزات اور غیر قانونی سرگرمیوں پر زیرو ٹالرنس پالیسی اپنانے کی سخت تاکید کی ہے۔ ڈی جی آر ڈی اے نے ایل یو اینڈ بی سی ونگ کو ہدایت کی ہے کہ وہ تجاوزات، غیر قانونی اور غیر مجاز تعمیرات اور کمرشل سرگرمیوں کے خلاف بلا خوف و خطر سخت کارروائی جاری رکھیں۔ یہ آپریشن ڈائریکٹر لینڈ غضنفر علی اعوان، اسسٹنٹ ڈائریکٹر لینڈ دلشاد علی، بلڈنگ سرویئر عامر محمود ملک، عاصم کھوکھر اور دیگر آر ڈی اے عملہ نے تھانہ نیو اسلام آباد انٹرنیشنل ایئرپورٹ کے اہلکاروں کے تعاون سے کیا۔۔۔۔۔۔
About The Author
