انٹرپارلیمنٹری کانفرنس کاپاکستان میں انعقاد
تحریر۔کبیرحُسین
قارئین کرام!
وفاقی دارالحکومت اسلام آباد کی خوبصورتی اور عالمی حیثیت
وفاقی دارالحکومت اسلام آبادجہاں دُنیامیں اپنی خوبصورتی کے باعث اپنی منفرد پہچان رکھتا ہے وہیں شہراقتداربین الاقوامی کانفرنسز،تقاریب کی بھی بین الاقوامی سطح پرمہمان نوازی اور بہترین انتظامات کے باعث اپناالگ مقام رکھتاہے۔اقوام عالم کے سربراہان جب شہراقتدار پہنچتے ہیں تووفاقی دارالحکومت کی خوبصورتی انہیں اپنے سحرمیں مبتلاکردیتی ہے۔گزشتہ سال ہی شنگھائی تعاون تنظیم کے سربراہان مملکت کے تئیسویں اجلاس کی اسلام آباد میں بہترین میزبانی اور انعقاد کوپوری دُنیامیں سراہاگیا۔شرکاء نے اسلام آباد کی خوبصورتی،بہترین انتظامات اورمہمان نوازی کوسراہااوروزیر اعظم اسلامی جمہوریہ پاکستان محمد شہبازشریف سے ملاقات میں باقاعدہ طورپرشکریہ بھی اداکیا۔اِ
پاکستان کی ابھرتی ہوئی بین الاقوامی شناخت
س وقت جہاں پاکستان دُنیامیں نئی قوت اورکامیاب خارجہ پالیسی کے باعث ایک نئی پہچان کیساتھ اُبھررہاہے وہیں بہترین حکومتی اقدامات کی بدولت تمام ترمشکلات اوربحرانوں پربھی قابوپایاجارہاہے۔رواں ماہ شہراقتدارمیں چیئرمین سینٹ اور بانی انٹرپارلیمنٹری کانفرنس(آئی ایس سی)سیدیوسف رضاگیلانی کی سربراہی میں امن، ترقی اور عالمی ہم آہنگی کے فروغ کے موضوع پر11 تا 12 نومبرکوکانفرنس کا اہتمام کیاجارہاہے جس میں دنیا کے 40 سے زائد ممالک کے اسپیکرز، ڈپٹی اسپیکرز اور پارلیمانی نمائندگان شرکت کرینگے۔کانفرنس میں ماحولیاتی اقدامات، پائیدار ترقی اور وسائل کی مساوی تقسیم سے متعلق عملی تجاویز بھی زیرِ غور آئیں گی، باہمی تعاون کے نئے فریم ورکز پر مشاورت جبکہ مختلف سیشنز میں پارلیمانی سفارت کاری سمیت اہم امور پر بھی تبادلہ خیال کیا جائے گا
انٹر پارلیمنٹری اسپیکرز کانفرنس اسلام آباد 2025
۔پاکستان کویہ بھی اعزازحاصل ہے کہ چیئرمین سینیٹ سید یوسف رضا گیلانی کو اپریل 2025 میں سیول، جنوبی کوریا میں ہونے والے اجلاس کے دوران انٹر پارلیمنٹری اسپیکرز کانفرنس (آئی ایس سی) کا متفقہ طور پربانی چیئرمین منتخب کیا گیا ہے۔یہ انتخاب عالمی پارلیمانی برادری کے پاکستان پر اعتماد اور احترام کا مظہر ہے۔انٹرپارلیمنٹری کانفرنس کا مقصد پارلیمانی رہنماؤں کو امن، سلامتی اور ترقی جیسے مسائل پر بین الاقوامی تعاون کو مضبوط کرنے کے لیے ایک پلیٹ فارم فراہم کرنا ہے اوریہ پلیٹ فارم قانون سازی، تنازعات کی روک تھام اورپارلیمانی سفارت کاری کے ذریعے عالمی چیلنجز سے نمٹنے کے لیے کام کرتا ہے۔ (آئی ایس سی)کے کلیدی اہداف میں دہشت گردی جیسے خطرات سے نمٹنا اور مساوی ترقی کو فروغ دینا بھی شامل ہے۔
چیئرمین سینیٹ سید یوسف رضا گیلانی کا عالمی کردار
دنیا اس وقت بڑھتے ہوئے عالمی تنازعات، علاقائی تناؤ اور بڑھتے ہوئے ترقیاتی تفاوت میں ہے اورخصوصاًاسلحے کی دوڑجس میں سرفہرست بھارت بھی شامل ہے جوایک طرف اقلیتوں پرمظالم ڈھارہاہے وہیں مظلوم کشمیریوں کی بھی مسلسل نسل کشی کررہاہے۔اِسی طرح گلوبل وارمنگ سے جہاں دُنیامتاثرہورہی ہے موجب بننے والے چندممالک کی وجہ سے موسمیاتی تبدیلیوں سے خطے متاثر ہورہے ہیں وہیں کاربن کے اخراج میں بھی اضافہ ہورہاہے۔آج بین الاقوامی سطح پر انٹر پارلیمنٹری اسپیکرز کانفرنسزجیسے مقالمے وقت کی اہم ضرورت ہیں۔
ماحولیاتی چیلنج
پارلیمان جمہوری طرز حکمرانی کی بنیاد کے طور پر کام کرتی ہیں جبکہ پالیسیوں کی تشکیل اور احتساب کو یقینی بنانے میں بھی اہم کردار ادا کرتی ہیں۔ سرحدوں سے ماورا اور وجودی خطرات سے نمٹنے کے لیے پالیسیوں کی تشکیل کے لیے منفرد حیثیت کے باوجود، قومی پارلیمانوں کے پاس اکثر بین الاقوامی سطح پر ہم آہنگی کے محدود مواقع ہوتے ہیں۔
پارلیمانی سفارت کاری کی اہمیت
اسلام آباد میں آئی ایس سی کانفرنس مشترکہ چیلنجزجیسے کہ تنازعات کی روک تھام، انسداد دہشت گردی،مساوی ترقی،ہم آہنگی، پائیدار شراکت داری، تنازعات کے حل کے فریم ورک کے ذریعے مستقبل کے عالمی چیلنجزسے نمٹنے کیلئے انتہائی اہم ثابت ہوگی۔ مقررین قوانین اور پالیسیوں کا مسودہ تیار کرنے کے لیے بہترین طریقوں کا تبادلہ خیال کرینگے، دہشت گردی سے لے کر غیر منصفانہ ترقی تک کے بہت سے عالمی چیلنجز کے لیے معلومات کا تبادلہ خیال کیاجائے گا۔اِس میں کوئی شک نہیں کہ(آئی ایس سی)بانی انٹرپارلیمنٹری کانفرنس سیدیوسف رضاگیلانی کے وژن کے مطابق فعال پارلیمانی سفارت کاری کے ذریعے ٹھوس نتائج کیلئے بین الاقوامی تعاون کے عزم کی نمائندگی کرتا ہے۔
انٹر پارلیمنٹری اسپیکرز کانفرنس ایک تاریخی سنگ میل ہے
انٹر پارلیمنٹری اسپیکرز کانفرنس پاکستان کے لیے ایک تاریخی اور سفارتی سنگِ میل کی حیثیت رکھتی ہے جس کاویژن ایک پرامن، باہمی جڑے ہوئے اور ترقی یافتہ عالمی معاشرے کی تشکیل پر مبنی ہے۔ وفاقی دارلحکومت اسلام آباد میں ہونے والی یہ عالمی کانفرنس پاکستان کے پارلیمانی تشخص، بین الاقوامی وقاراور سفارتی کردار کو مزید اجاگر کرے گی اوربڑھتے ہوئے سیکورٹی چیلنجز اور غیر پائیدار ترقیاتی ماڈلز کے پس منظر میں ہونے والی بین پارلیمانی اسپیکرز کانفرنس امن اور خوشحالی کے سیول اعلامیہ کے اصولوں کو قابل عمل حکمت عملیوں میں تبدیل کرنے اور مشترکہ تعاون کو فروغ دینے کے لیے ایک تاریخی سنگ میل ہے
https://dailytimeline.pk/?cat=39
https://timelinenews.com.pk/wp-content/uploads/2025/11/ronaldo.webp
About the Author
