پاکستان کا ٹی20 ورلڈ کپ میں شرکت کا فیصلہ
پاکستان کا ٹی20 ورلڈ کپ میں شرکت کا فیصلہ
اسلام آباد:
حکومت پاکستان نے قومی کرکٹ ٹیم کو آئی سی سی ٹی20 ورلڈ کپ 2026 میں شرکت کی اجازت دے دی ہے تاہم بھارت کے خلاف شیڈول میچ نہ کھیلنے کا فیصلہ کیا گیا ہے۔
حکومت پا کستان کی جانب سے سماجی رابطے کی ویب سائٹ پر جاری ایک بیان میں کہا گیا ہے کہ پاکستان کرکٹ ٹیم کو آئی سی سی ٹی20 ورلڈ کپ 2026 میں شرکت کی منظوری دے دی گئی ہے، لیکن ٹیم 15 فروری 2026 کو بھارت کے خلاف مقررہ میچ میں حصہ نہیں لے گی۔
ذرائع کے مطابق اس اہم فیصلے سے قبل پاکستان کرکٹ بورڈ (پی سی بی) نے حکومت سے مشاورت کی۔ یہ مشاورت چیئرمین پی سی بی محسن نقوی اور وزیراعظم شہباز شریف کے درمیان ملاقات کے دوران ہوئی، جس میں ورلڈ کپ میں شرکت سے متعلق تمام پہلوؤں پر غور کیا گیا۔
پا کستان کو ٹی20 ورلڈ کپ کے گروپ اے میں شامل کیا گیا ہے، جہاں اس کا مقابلہ بھارت، نیدرلینڈز، امریکا اور نمیبیا سے ہونا ہے۔ جاری کردہ شیڈول کے مطابق پاکستان اپنا پہلا میچ 7 فروری 2026 کو نیدرلینڈز کے خلاف کولمبو میں کھیلے گا، جبکہ پاک-بھارت مقابلہ 15 فروری کو کولمبو میں شیڈول تھا، جس میں پاکستان شرکت نہیں کرے گا۔
قبل ازیں ذرائع نے بتایا تھا کہ چیئرمین پی سی بی محسن نقوی کی وزیراعظم شہباز شریف سے ملاقات متوقع ہے، جس میں ٹیم کی ورلڈ کپ میں شرکت سے متعلق حتمی اعلان کیا جائے گا۔ ذرائع کے مطابق اگر پاکستان ورلڈ کپ میں شرکت نہ کرنے کا فیصلہ کرتا تو پی سی بی نے متبادل منصوبہ (پلان بی) بھی تیار کر رکھا تھا، جس کے تحت لاہور میں پا کستان، پا کستان شاہینز اور انڈر 18 ٹیموں پر مشتمل ایک متبادل ٹورنامنٹ منعقد کیا جانا تھا۔
ذرائع کا کہنا ہے کہ حکومت کی منظوری کے بعد قومی ٹیم کے ورلڈ کپ کٹ کی رونمائی جلد متوقع ہے
Table of Contents
https://timelinenews.com.pk/pakistan-confirms-participation-t20-world-cup/
https://dailytimeline.pk/?p=9600
About The Author
