الکبیر ٹاؤن فیز 2 ڈاؤن ٹاؤن
لاہور: الکبیر ٹاؤن فیز 2 ڈاؤن ٹاؤن، رائیونڈ روڈ میں واقع بڑے کمرشل منصوبے پرائم مال کا باقاعدہ افتتاح کر دیا گیا۔ افتتاحی تقریب میں شہریوں، سرمایہ کاروں اور معزز شخصیات کی بڑی تعداد نے شرکت کی۔
تقریب کے مہمانِ خصوصی چیئرمین الکبیر ٹاؤن چوہدری اورنگزیب تھے، جبکہ چیئرمین پرائم مال چوہدری آفتاب احمد اور سی ای او پرائم مال اسماعیل شاہ نے خصوصی شرکت کی۔ اس موقع پر رکن پنجاب اسمبلی ملک شہباز کھوکھر، مذہبی اسکالر مولانا شبیر احمد عثمانی، جنرل مینیجر سیلز چوہدری فہد اور صدر مارکیٹ کمیٹی الکبیر ٹاؤن چوہدری کاشف بھی شریک ہوئے۔
تقریب میں راجہ نبیل کیانی، شیخ سلمان، ندیم انور اور میاں نجم قدیر سمیت دیگر معززین نے شرکت کی۔
منتظمین کے مطابق 11 کنال پر محیط 25 منزلہ پرائم مال ڈبل بیسمنٹ کے ساتھ جدید کمرشل اور رہائشی سہولیات فراہم کرے گا۔ منصوبے کی بکنگ 15 ہزار روپے فی اسکوائر فٹ سے شروع کی گئی ہے جبکہ چار سالہ آسان اقساط کی سہولت کے باعث سرمایہ کاروں نے گہری دلچسپی ظاہر کی۔
افتتاحی تقریب کے دوران منصوبے کی خصوصیات پر بریفنگ دی گئی اور شرکاء نے اسے علاقے کی تجارتی سرگرمیوں کے فروغ میں اہم سنگِ میل قرار دیا۔ تقریب کے اختتام پر شہریوں کی بڑی تعداد نے منصوبے میں دلچسپی کا اظہار کیا اور انتظامیہ کے ساتھ تبادلہ خیال کیا۔۔
Table of Contents
https://timelinenews.com.pk/cbd-punjab-successfully-concludes-ballot/
https://dailytimeline.pk/?p=9807
About The Author
