نسٹ یونیورسٹی میں ” کریئر کنیکٹ 2026 ” کا انعقاد,کثیر تعداد میں طلبا اور کمپنیوں کی شرکت
اسلام آباد، 17 فروری 2026:نیشنل یونیورسٹی آف سائنس اینڈ ٹیکنالوجی کے نسٹ پلیسمنٹ آفس کے زیرِاہتمام جامعہ کے مرکزی کیمپس میں سالانہ کیریئر میلہ NUST Career Connect 2026 منعقد ہوا، جس میں مختلف شعبہ ہائے زندگی سے تعلق رکھنے والے نمایاں اداروں اور جامعہ کے فارغالتحصیل طلبہ کو ایک مشترکہ پلیٹ فارم فراہم کیا گیا۔ اس میلے کا مقصد روابط کے مواقع، پیشہ ورانہ رہنمائی، ملازمت کے مواقع کی تلاش اور موزوں انتخاب کے عمل کو فروغ دینا تھا۔
تقریب کا افتتاح پرو ریکٹر ریسرچ، انوویشن اینڈ کمرشلائزیشن، ڈاکٹر رضوان ریاض نے کیا۔ اس موقع پر انہوں نے کہا کہ مستقبل کے تقاضوں سے ہم آہنگ افرادی قوت کی تیاری کے لیے جامعہ اور صنعت کے مابین مضبوط اشتراک ناگزیر ہے۔ ان کے مطابق ایسے اقدامات طلبہ کو عملی ماحول سے روشناس کراتے ہیں اور تعلیمی دنیا سے نکل کر عملی زندگی کے آغاز آسان بناتے ہیں۔
کیریئر میلے میں 130 سے زائد کثیرالشعبہ اداروں نے شرکت کی، جو معیشت کے متنوع صنعتی و خدماتی شعبوں کی نمائندگی کر رہے تھے۔ جامعہ کے مختلف تعلیمی شعبوں سے تعلق رکھنے والے چار ہزار سے زائد طلبہ نے بھرپور شرکت کی اور ممکنہ آجروں سے براہِ راست تبادلۂ خیال کیا۔
اس نوعیت کے فلیگ شپ اقدامات نہ صرف اداروں اور جامعہ کے درمیان روابط کو مستحکم کرتے ہیں بلکہ عالمی سطح پر جامعہ کی ساکھ کو بھی تقویت دیتے ہیں۔ نسٹ کریئر کنیکٹ 2026 صنعت سے اشتراک بڑھانے اور گریجویٹس کو ایک مؤثر نیٹ ورکنگ پلیٹ فارم فراہم کرنے کے نسٹ کے عزم کی توثیق ہے۔
Table of Contents
https://timelinenews.com.pk/nust-career-connect-2026-leading-employers/
https://dailytimeline.pk/?p=9600
About The Author
