فزا علی کی تیسری شادی
پاکستانی اداکارہ اور ٹی وی میزبان فزا علی نے اپنی تیسری شادی کا اعلان کر کے مداحوں کو حیران کر دیا، جس کے بعد وہ ایک بار پھر خبروں کی زینت بن گئی ہیں۔
فزا علی، جو رمضان کے دوران اپنے بیانات اور آن اسکرین لمحات کی وجہ سے سوشل میڈیا پر زیرِ بحث رہیں، نے عید کے موقع پر اچانک اپنی شادی کی خبر دی۔ بعد ازاں انہوں نے اپنے شوہر اعجاز خان کو فیملی عید فوٹو شوٹ کے ذریعے متعارف کروایا اور 41 سال کی عمر میں محبت ملنے پر خوشی کا اظہار کیا۔
تاہم، یہ معاملہ اس وقت مزید توجہ کا مرکز بن گیا جب ٹک ٹاکر اور میزبان روبی ملک نے ایک پوڈکاسٹ میں فزا علی کی شادی سے متعلق مختلف دعوے کیے۔
روبی ملک کے مطابق یہ فز ا علی کی تیسری شادی ہے، اور انہوں نے دعویٰ کیا کہ فز ا علی کی اصل عمر وہ نہیں جو وہ بتاتی ہیں۔ ان کے مطابق فزا علی کی عمر 45 سے 48 سال کے درمیان ہے۔
روبی ملک نے یہ بھی کہا کہ فزا علی کے شوہر اعجاز خان برطانیہ میں کاروبار کرتے ہیں، ان کے شو رومز ہیں، وہ پہلے سے شادی شدہ ہیں اور ان کے تین بچے بھی ہیں۔
مزید دعویٰ کیا گیا کہ اعجاز خان نے ہیئر ٹرانسپلانٹ کروایا اور اپنی شخصیت میں تبدیلیاں کیں، جبکہ فز ا علی نے بھی مبینہ طور پر ان کی فٹنس اور اسٹائل پر توجہ دی۔
ان بیانات کے بعد سوشل میڈیا پر ملا جلا ردعمل سامنے آیا ہے۔ کچھ صارفین نے روبی ملک کو ذاتی معاملات پر تبصرہ کرنے پر تنقید کا نشانہ بنایا، جبکہ دیگر کا کہنا ہے کہ شادی ایک ذاتی فیصلہ ہے اور فز ا علی کے فیصلے کا احترام کیا جانا چاہیے۔
تاحال فز ا علی کی جانب سے ان دعوؤں پر کوئی باضابطہ ردعمل سامنے نہیں آیا۔
Table of Contents
https://dailytimeline.pk/?p=10109
https://timelinenews.com.pk/fiza-alis-third-marriage-ijaz-khan-spark/
About The Author
