سینیٹر روبینہ خالد نے بی آ ئی ایس پی تحصیل آفس پٹہکہ میں ڈائنامک رجسٹریشن سینٹر اور تحصیل ہیڈکوارٹر ہسپتال پٹہکہ میں قائم بینظیر نشوونما سینٹر کا دورہ بھی کیا
مظفرآباد22 اپریل 202
چیئرپرسن بینظیر انکم سپورٹ پروگرام سینیٹر روبینہ خالد نے آج وزیراعظم آزاد حکومت ریاست جموں و کشمیر فیصل ممتاز راٹھور کی دعوت پر مظفرآباد میں محکمہ زراعت، لائیو اسٹاک اور آبپاشی کے زیر اہتمام منعقدہ زرعی کانفرنس 2026 میں شرکت کی۔ کانفرنس میں وزیراعظم فیصل ممتاز راٹھور نے بطور مہمان خصوصی شرکت کی جبکہ متعلقہ حکام اور شعبہ زراعت سے وابستہ ماہرین کی ایک بڑی تعداد بھی کانفرنس میں شریک تھی۔
کانفرنس میں سینیٹر روبینہ خالد کا پرتپاک استقبال کیا گیا۔ اس موقع پر خطاب کرتے ہوئے انہوں نے کہا کہ آزاد جموں و کشمیر حکومت کی جانب سے شعبہ زراعت کی ترقی کے لیے اٹھائے گئے اقدامات قابل تعریف ہیں۔ انہوں نے کہا کہ معاشی ترقی کے حصول کے لیے باہمی تعاون اور روابط کو مزید فروغ دینا ناگزیر ہے۔
سینیٹر روبینہ خالد نے کہا کہ بینظیر انکم سپورٹ پروگرام اور آزاد جموں و کشمیر حکومت کے باہمی اشتراک سے خواتین کی معاشی خودمختاری کے لیے مزید مؤثر اقدامات کیے جائیں گے۔ انہوں نے کہا کہ خواتین کی بااختیاری کا سہرا شہید محترمہ بینظیر بھٹو کے وژن کو جاتا ہے اور بی آئی ایس پی کی مستفید ہونے والی خواتین کو بی بی شہید کی دلیری اور ہمت سے سبق حاصل کرنا چاہیے۔
وزیراعظم آزاد ریاست جموں و کشمیر فیصل ممتاز راٹھور نے بھی شرکاء سے خطاب کرتے ہوئے زرعی کانفرنس کی اہمیت پر روشنی ڈالی اور زراعت کے جدید طریقہ کار کو اپنانے اور مؤثر عملدرآمد پر زور دیا۔ وزیر زراعت، لائیو اسٹاک و آبپاشی آزاد جموں و کشمیر علی شان سونی نے بھی اپنے خیالات کا اظہار کیا۔
تقریب کے اختتام پر سینیٹر روبینہ خالد نے وزیراعظم فیصل ممتاز راٹھور کے ہمراہ شرکاء کی جانب سے پیش کی جانے والی پرفارمنسز بھی دیکھیں اور انہیں سراہا۔
سینیٹر روبینہ خالد نے تحصیل ہیڈکوارٹر ہسپتالپٹہکہ مظفرآباد میں قائم بینظیر نشوونما سینٹر کا بھی دورہ کیا۔ اس موقع پر ورلڈ فوڈ پروگرام آزاد کشمیر کے ہیڈ آف فیلڈ آفس اے جے کے اینڈ جی بی ندیم بیگ بھی موجود تھے۔
سینیٹر روبینہ خالد نے مرکز میں ماں اور بچے کی صحت و غذائیت کے حوالے سے فراہم کی جانے والی سہولیات کا جائزہ لیا اور زیر علاج خواتین اور ان کے بچوں سے ملاقات کی۔ انہوں نے ڈی جی بی آئی ایس پی کو ہدایت کی کہ ہیلتھ ڈیپارٹمنٹ کے ساتھ تعاون اور روابط کو مزید مضبوط بنایا جائے تاکہ زیادہ سے زیادہ مستحق خواتین اور بچوں کو اس اہم سہولت سے مستفید کیا جا سکے۔
انہوں نے ماں اور بچے کی بہتر صحت کو قومی ترقی کے لیے انتہائی اہم قرار دیتے ہوئے کہا کہ آزاد جموں و کشمیر میں نشوونما پروگرام کو یونیورسل کوریج دینے کے حوالے سےاقدامات کی ضرورت ہے تاکہ زیادہ سے زیادہ مستحق خاندانوں کو اس سہولت سے فائدہ پہنچایا جا سکے۔
قبل ازیں، سینیٹر روبینہ خالد نے بی آئی ایس پی تحصیل آفس پٹہکہ نصیر آباد میں ڈائنامک رجسٹریشن سینٹر کا دورہ کیا، جہاں انہوں نے مستحق خواتین سے گفتگو کی، ان کے مسائل سنے اور سروے کے عمل کا جائزہ لیا۔
Table of Contents
https://dailytimeline.pk/?p=10147
https://timelinenews.com.pk/mobilink-banks-win-incubator-leads-pakistan/
About The Author
