نوا سٹی کے متاثرین
اسلام آباد(نمائندہ خصوصی) نووا سٹی اسلام آباد کے متاثرین نے ارشد حسین کی قیادت میں راولپنڈی نیب عدالت کے باہر احتجاجی مظاہرہ کیا۔ مظاہرین نے نووا سٹی کی فائلز اور بینرز اٹھا رکھے تھے اور انصاف کی فراہمی، پلاٹس کی واپسی اور لوٹی گئی رقوم کی ادائیگی کے حق میں شدید نعرے بازی کیمتاثرین کا کہنا تھا کہ نووا سٹی میں سرمایہ کاری کرنے والے ہزاروں شہری برسوں سے مشکلات کا شکار ہیں مگر انہیں تاحال انصاف فراہم نہیں کیا جا سکا متاثرین نے کہا کہ انہوں نے باقاعدہ پیمنٹس جمع کروائیں اور سوسائٹی انتظامیہ کی یقین دہانیوں پر سرمایہ کاری کی ان کے مطابق انہیں الاٹمنٹ لیٹرز بھی جاری کیے گئے جن میں پلاٹ نمبر اور دیگر تفصیلات درج تھیں،
تاہم اب انہیں پلاٹس دینے سے انکار کیا جا رہا ہےمظاہرین نے الزام عائد کیا کہ سوسائٹی انتظامیہ نے متاثرین کی زمین اور سرمایہ دوسرے منصوبوں میں منتقل کر دیا جبکہ متاثرہ شہری آج بھی اپنے حق کے حصول کے لیے دربدر ہیں احتجاج میں شریک شہریوں کا کہنا تھا کہ وہ گزشتہ کئی برسوں سے مختلف اداروں کے چکر لگا رہے ہیں مگر کہیں سے انصاف نہیں ملا متاثرین کے مطابق انہوں نے اپنی جمع پونجی، زیورات اور زندگی بھر کی کمائی بہتر مستقبل اور بچوں کی ضروریات کے لیے پلاٹس کی صورت میں لگائی تھی،
لیکن آج وہ شدید ذہنی اذیت اور مالی مشکلات کا شکار ہیں انہوں نے مطالبہ کیا کہ یا تو انہیں فوری طور پر ان کے پلاٹس دیے جائیں یا موجودہ مارکیٹ ویلیو کے مطابق رقوم واپس کی جائیںاس موقع پر ارشد حسین نے میڈیا سے گفتگو کرتے ہوئے کہا کہ متاثرین اپنے حقوق کے حصول تک احتجاج جاری رکھیں گے انہوں نے کہا کہ عوام کی جمع پونجی سے کھیلنے والوں کو قانون کے کٹہرے میں لایا جائے اور متاثرین کو فوری ریلیف فراہم کیا جائے انہوں نے نیب،
حکومت اور متعلقہ اداروں سے مطالبہ کیا کہ شفاف تحقیقات مکمل کرکے ذمہ دار عناصر کے خلاف سخت کارروائی کی جائےابراہیم خان نے اپنے بیان میں کہا کہ متاثرین کئی سال سے انصاف کے منتظر ہیں لیکن متعلقہ اداروں کی جانب سے سنجیدہ پیش رفت نظر نہیں آ رہی انہوں نے کہا کہ متاثرین کے صبر کا امتحان لیا جا رہا ہے اور اگر فوری اقدامات نہ کیے گئے تو احتجاج کا دائرہ مزید وسیع کیا جائے گاوسیم احمد نے کہا کہ نووا سٹی انتظامیہ نے شہریوں کے اعتماد کو ٹھیس پہنچائی ہے ان کا کہنا تھا کہ اوورسیز پاکستانیوں سمیت ہزاروں خاندان اپنی جمع پونجی پھنسنے کی وجہ سے شدید پریشانی کا شکار ہیں انہوں نے مطالبہ کیا کہ حکومت متاثرین کے نقصانات کا فوری ازالہ کرے اور ذمہ داران کو قانون کے مطابق سزا دی جائے
الیاس چوہدری نے کہا کہ متاثرین صرف اپنے جائز حق کا مطالبہ کر رہے ہیں انہوں نے کہا کہ لوگ اپنے بچوں کے بہتر مستقبل کے لیے سرمایہ کاری کرتے ہیں مگر انہیں دھکے اور مایوسی کے سوا کچھ نہیں ملا ان کا کہنا تھا کہ اگر متاثرین کو فوری انصاف نہ ملا تو ملک بھر میں احتجاجی تحریک چلائی جائے گی مظاہرین نے کہا کہ نووا سٹی متاثرین میں خواتین، بزرگ شہری اور اوورسیز پاکستانی بھی شامل ہیں جو کئی سال سے انصاف کے منتظر ہیں احتجاج کے دوران نیب عدالت کے اطراف سیکیورٹی کے سخت انتظامات کیے گئے جبکہ پولیس کی اضافی نفری بھی تعینات رہی۔
Table of Contents
https://dailytimeline.pk/?p=10264
https://timelinenews.com.pk/president-confers-pakistans-civil-awards/
About The Author
