ہم امید کرتے ہیں یہ نمائش اس تجارتی تعاون کو مزید مستحکم کرنے کے لیے ایک موثر پلیٹ فارم ثابت ہوگی،سیکرٹری ٹڈاپ
نمائش کا مقصد پاکستانی مصنوعات کو عالمی سطح پر متعارف کروانا ہے، خورشید برلاس
نما ئش میں ٹیکسٹائل ،فوڈ پراڈکٹس،فیشن اورفیبرکس،سیاحت اور دیگر شعبوں سے وابستہ کمپنیز نمائش کا حصہ بنیں گے،بانی چیئرمینPAEI
اسلام آباد ( اسٹاف رپورٹر )پاکستان ایسوسی ایشن آف ایگزی بیشن انڈسٹری کے بانی چیئرمین محمد خورشید برلاس نے گزشتہ روز ٹریڈڈیلپمنٹ اتھارٹی آف پاکستان (ٹڈاپ)کے سیکرٹری شہر یار تاج سے انکے آفس میں ملاقات کی۔ملاقات میں خورشید برلاس نے بتایا کہ پاکستان ایسوسی ایشن آف ایگزی بیشن انڈسٹری کے زیر اہتمام چوتھی میڈ ان پاکستان ایگزبیشن اینڈ بزنس کانفرنس ڈھاکہ، بنگلہ دیش میں 22 سے26 ستمبر2026 ءکوانٹرنیشنل کنونشن سٹی بسوندھرا آئی سی سی بی ڈھاکہ بنگلہ دیش میں ہوگی ۔
جس میں ٹیکسٹائل انڈسٹری،فوڈ پراڈکٹس،برقی آلات،کچن کا سامان/،صارفین کی مصنوعات،جوتے،گھریلو سامان،فرنیچر اورجواہرات اور زیورات، ماربل اور شیشہ،کھیلوں کا سامان،خدمات فراہم کرنے والے،فیشن اور فیبرکس،سیاحت اور مہمان نوازی کی صنعت ،مشینری اور آلات،پینٹ، وارنش اور کیمیکل،ایچ وی اے سی آر،دستکاری کی مصنوعات اور دیگر شعبوں سے وابستہ نمائش کا حصہ بنیں گے۔
سیکرٹری ٹڈاپ شہر یار تاج نے پاکستان ایسوسی ایشن آف ایگزی بیشن انڈسٹری کی جانب سے کئے جانے والی ایونٹس کو سراہا۔ اور ملکی ترقی میں کی جانیوالی نمائشوں کے ذریعے معیشت کے فروغ میں کئے جانے والے اقدامات کو سراہا اور مکمل یقین دہانی کروائی کہ ڈھاکہ بنگلہ دیش میں ہونے والی چوتھی پاکستان میڈ ان پاکستان ایگزبیشن میں بھرپور تعاون کرینگے یہ ایک اچھا اقدام ہے پاکستان اور بنگلہ دیش کے درمیان تجارتی تعلقات کو بڑھانے کی بہت ضرورت ہے ۔،
پاکستانی مصنوعات کو عالمی سطح پر متعارف کرانے کے لئے اقدامات اٹھانے کی ضرورت ہے ۔پاکستانی مصنوعات کو بنگلہ دیش میں بہت مانگ ہے بنگلہ دیش میں پاکستانی مصنوعات کو بہت پسند کیا جاتا ہے۔ ہم امید کرتے ہیں یہ نمائش اس تجارتی تعاون کو مزید مستحکم کرنے کے لیے ایک موثر پلیٹ فارم ثابت ہوگی۔آخر میںپاکستان ایسوسی ایشن آف ایگزی بیشن انڈسٹری کی جانب سے بانی چیئرمین خورشید برلاس نے ٹریڈڈیلپمنٹ اتھارٹی آف پاکستا ن سیکرٹری شہر یار تاج کو چوتھیمیڈ ان پاکستان ایگزبیشن اینڈ بزنس کانفرنس ڈھاکہ، بنگلہ دیش کا دعوت نامہ بھی پیش کیا۔
Table of Contents
https://dailytimeline.pk/?p=10196
About The Author
