آپریشن بنیان مرصوص
تحریر۔کبیرحُسین
کہتے ہیں کہ ”جھوٹ“کے پاؤں نہیں ہوتے۔جھوٹ چھپتانہیں اور جلدیابدیرسچ سامنے آکرہی رہتا ہے۔دین مبین اسلام میں بھی جھوٹ کیخلاف واضح احکامات ہیں۔نبی مکرم،پیغمبرخُدا،حضرت محمد مصطفیﷺ کومشرکین مکہ بھی صادق اور امین کہتے تھے۔تقسیم ہندسے قبل جب مسلمانانِ ہند وبانیان پاکستان الگ وطن کیلئے جدوجہدکررہے تھے تواُنہوں نے بھی حقائق کوبھانپتے ہوئے اوراِس حقیقت کوآشکارکرتے ہوئے جدوجہدجاری رکھی کہ ہندواورمسلمان کبھی بھی اکٹھے نہیں رہ سکتے آج سات دہائیوں بعددُنیاپرواضح ہوچکاہے کہ ہندوستان میں ہندوتوافاشسٹ حکومت کس طرح مسلمانوں سمیت باقی اقلیتوں پربھارت میں مظالم ڈھارہی ہے۔
مقبوضہ جموں وکشمیرکے مسلمان سات دہائیوں سے بھارتی فاشسٹ حکومت کے ظلم وجبرکاشکارہیں اورلاکھوں مسلمان بھارتی افواج کے ہاتھوں شہیدہوچکے ہیں۔پاکستان نے ہمیشہ اقوام عالم کوباورکروایاہے کہ جب تک مسئلہ کشمیرحل نہیں ہوتاخطہ میں امن ناممکن ہے اورمسئلہ کشمیرپرہی پاکستان کی بھارت سے جنگیں بھی ہوچکی ہیں۔ اقوام متحدہ کی قراردادوں کے مطابق کشمیریوں کویہ حق خود ارادیت کہ وُہ جس کے ساتھ رہنا چاہتے ہیں اُنہیں اُس کیساتھ رہنے کا پورا حق حاصل ہے چونکہ مذہبی،تہذیبی اور ثقافتی اعتبار سے کشمیر پاکستان کا حصہ ہے اس لیے کشمیری عوام خود کو پاکستانی تصور کرتے ہیں اوربلاشبہ کشمیرپاکستان کی شہ رگ ہے۔خیر۔بات ہورہی تھی جھوٹ کی توجھوٹ بولنابھارت کاہمیشہ سے شیوہ رہاہے چاہے مقبوضہ جموں وکشمیرکے حوالہ سے ہویانام نہادجمہوریت کے حوالہ سے۔خطہ کی حالیہ صورتحال کوہی دیکھ لیں۔نام نہادمعیشت جہاں دھڑام ہوچکی ہے وہیں بھارت میں مہنگائی،بیروزگاری اورآرایس ایس کے مظالم کیخلاف عوام سڑکوں پرہیں۔
گزشتہ سال پہلگام واقعہ کے بعد خطہ میں جہاں پاک بھارت کشیدگی عروج پر تھی توعالمی ماہرین نے دُنیاپرواضح کردیاتھا کہ بھارت اپنے جھوٹے بیانیے کیساتھ اگرپاکستان پر حملہ کرے گاتواُسے ایسادندان شکن جواب ملے گاجوکہ تاریخ کا حصہ ہوگااور پھرایسے ہی ہوا۔پاکستان کے ثبوت مانگنے کے باوجود بھارت نے پاکستان پر حملہ کرنے کوترجیح دی اور پھر جودندان شکن جواب پاکستان نے آپریشن بُنْیَانٌ مَّرْصُوْصٌکے تحت بھارت کو دیا آج پورے ایک سال بعدبھی بھارت کے اوسان خطاہیں اورپوری دُنیاآج بھی آپریشن بنیان مرصوص میں پاکستان کی برتری،دفاعی صلاحیت کا بھرپو راعتراف کررہی ہے۔خصوصاًرافیل جیسے طیاروں کے ٹکڑے ٹکڑے ہونے اوربھارت کے جدید ترین دفاعی آلات کی تباہی نے بھارتی افواج کی گیدڑبھبکھیوں کی بھی قلعی کھولی۔پاکستان کی مسلح افواج نے آپریشن بُنْیَانٌ مَّرْصُوْص کے تحت دشمن بھارت کو بھرپور جوابی کارروائی میں روایتی محاذ سے لے کر سائبر محاذ تک ہر میدان میں شکست فاش سے دوچار کیا۔خصوصاًپاکستان کی سائبر اٹیک ٹیم نے بھارتی انفارمیشن نیٹ ورک کو بھی ہلا کر رکھ دیاتھا۔
بی جے پی کی آفیشل ویب سائٹ، کرائم ریسرچ انویسٹیگیشن ایجنسی، ہندوستان ایروناٹکس لمیٹڈ، بارڈر سیکیورٹی فورسز، آل انڈیا نیول ٹیکنیکل سٹاف ایسوسی ایشن، اور یونیک آڈنٹیفکیشن اتھارٹی سمیت درجنوں اہم ویب سائٹس بند کی گئیں۔اگر بات کی جائے پاکستانی قوم کی توپاکستانی قوم نے ہمیشہ کی طرح گزشتہ سال بھی وُہ جذبہ دکھایاکہ جس کی مثال نہیں ملتی پوری قوم بھارت کو دندان شکن جواب دینے پر نہ صرف باہر نکلی بلکہ ہرایک کی زبان پر نعرہ تکبیر اورپاک فوج زندہ باد کے نعرے تھے۔ایوان قتدار،سیاسی جماعتوں سمیت پوری قوم نے بھی یکجہتی کی مثال قائم کی جبکہ اِس کے برعکس بھارت میں نہ صرف عوام بلکہ بھارتی افسران،فوجی اہلکاروں نے بھی بھارتی شکست اورمودی حکومت کے فالس فلیگ آپریشن کے مذموم مقاصد کی قلعی کھولی۔
قارئین کرام!
آج نہ صرف بھارت خارجہ محاذ پر ناکام ہوچکاہے بلکہ بھارتی فاشسٹ حکومت کیخلاف بھارت کے اندرسے بھی مسلسل آوازیں بلندہورہی ہیں اوربھارتی فاشسٹ حکومت کے نام نہاداورجھوٹے دعووں کی مسلسل قلعی کھل رہی ہے۔دوسری جانب پاکستان نے نہ صرف آپریشن بنیان میں تاریخی کامیابی حاصل کی بلکہ اقوام عالم پاکستان کے ساتھ اپنے تعلقات کومزیدمضبوط بنارہی ہیں اورپاکستان دُنیامیں ایک قائدانہ کردارکے طورپراُبھررہاہے۔امریکہ ایران کشیدگی کے موقع پربھی پوری دُنیامیں واحد پاکستان ہے جس نے دونوں فریقین کو ٹیبل پربٹھایااوریہ بھی پاکستان کی ایک بہت بڑی کامیابی ہے کہ دونوں فریقین پاکستان پربھرپوراعتماد کرتے ہیں۔
پاکستان کی درخواست پر جنگ بندی کے بعددونوں فریقین کاوفاقی دارالحکومت اسلام آبادمیں بیٹھناتھاکہ پوری دُنیاکی نظریں تب سے پاکستان پرمرکوزہیں اوراُمیدکررہی ہیں کہ دُنیاکواِس بحران سے اگرکوئی ملک نکال سکتاہے تووُہ صرف اور صرف پاکستان ہے۔انشااللہ۔اِس سال مئی میں پاکستان دُنیاکوایک اورسرپرائز دے گا۔پاکستان کی کاوشوں سے اِس وقت دونوں فریقین میں عارضی جنگ بندی ہے اورتنازعہ کے حل کیلئے بھی کاوشیں جاری ہیں۔ اُمیدواثق ہے کہ پاکستان کی کاوشوں سے عالمی بحران کاضرورخاتمہ ہوگا۔
Table of Contents
https://timelinenews.com.pk/ptcl-flash-fiber-wins-ookla-awards/
https://dailytimeline.pk/?p=10330
About The Author
