اے ایچ کے ایف 35,000 گھرانوں تک بنیادی صحت کی سہولیات
اختر حمید خان فاؤنڈیشن (AHKF) نے بنیادی صحت کی سہولیات تک رسائی میں موجود اہم خلا کو کامیابی سے پُر کیا، خاص طور پر کم آمدنی والے شہری علاقوں میں۔ دسمبر 2025 سے مارچ 2026 کے درمیان کم وسائل والیشہری کمیونٹیز میں 35,000 گھرانوں تک صحت سے متعلق خدمات کے لیے کامیابی سے رسائی حاصل کی گئی جبکہ ادارہ آنے والے مہینوں میں اپنی رسائی کو 100,000 گھرانوں تک بڑھانے کا ارادہ رکھتا ہے۔
کم آمدنی والے علاقوں جن میں ڈھوکے حسو، راولپنڈی، اورنگی، کراچی شامل ہیں، میں کی جانے والی یہ رسائی تنظیم کی جانب سے بنیادی صحت کی سہولیات تک رسائی بہتر بنانے کے جاری کام کا حصہ تھی۔
2010 میں قائم ہونے والی AHKF ایک مربوط، کمیونٹی پر مبنی ماڈل پر عمل درآمد کرتی ہے جو کم وسائل والیکمیونٹیز کے اندر رہتے ہوئے ہمہ جہتی ترقی کو فروغ دیتا ہے۔ یہ تنظیم گھرانوں کو سرکاری اور نجی دونوں خدمات سے جوڑتی ہے تاکہ نہ صرف صحت بلکہ ڈیجیٹل خواندگی، مالی خودمختاری، ری سائیکلنگ اور ویسٹ مینجمنٹ، اور ماحولیاتی تبدیلیوں سے ہم آہنگ رہائش اور انفراسٹرکچر کے لیے جدید حل تک رسائی بہتر بنائی جا سکے۔ اس طریقہ کار کی بنیاد 400 سے زائد مقامی طور پر تربیت یافتہ خواتین کے نیٹ ورک پر ہے، جنہیں”آپیس “ کہا جاتا ہے، جو براہِ راست گھرانوں سے رابطہ کرتی ہیں، ضروری رہنمائی فراہم کرتی ہیں اور اہم خدمات تک رسائی میں سہولت فراہم کرتی ہیں۔
اس ماڈل کی بنیادجدید ڈیجیٹل نظاموں پر ہے، جو حقیقی وقت میں ڈیٹا جمع کرنے، اس کی نگرانی کرنے اور آسان انداز میں پیش کرنے میں مدد دیتے ہیں۔ اس کے ذ ذریعے ادارہ نئے رجحانات کو بروقت سمجھ سکتا ہے اور فوری ردِعمل دے سکتا ہے۔
یہ نظام نہ صرف پروگرام کو بہتر طریقے سے چلانے میں مدد دیتے ہیں بلکہ ایسی قابلِ عمل معلومات بھی فراہم کرتے ہیں جو اداروں اور پالیسی سازوں کو بروقت اور باخبر فیصلے کرنے کے قابل بناتی ہیں۔
ڈاکٹر عائشہ خان، چیف ایگزیکٹو آفیسر، AHKF نے اس موقع پر گفتگو کرتے ہوئے کہا”یہ سنگِ میل نہ صرف ضرورت کے حجم کو ظاہر کرتا ہے بلکہ نگہداشت تک رسائی بہتر بنانے میں کمیونٹی کی قیادت میں کیے جانے والے اقدامات کی صلاحیت کو بھی اجاگر کرتا ہے۔ جیسے جیسے ہم 100,000 گھرانوں تک پہنچنے کا ہدف رکھتے ہیں، ترجیح معیار کو برقرار رکھنے، ریفرل کے نظام کو مضبوط بنانے اور نگہداشت کے تسلسل کو یقینی بنانے پر ہوگی۔“
ادارے نے ابتدائی اسکریننگ اور کیس ٹریکنگ میں معاونت کے لیے ڈیجیٹل ٹولز کا بھی استعمال کیا۔ جنوری 2026 سے اب تک ذیابیطس اور ہائی بلڈ پریشر کی اسکریننگ کے لیے 3,000 سے زائد ریفرلز ریکارڈ کیے جا چکے ہیں، جبکہ اس کے وسیع تر کام کے ذریعے اب تک تقریباً 163,000 گھرانوں میں 1.5 ملین سے زائد افراد تک رسائی حاصل کی جا چکی ہے۔
چونکہ کم وسائل والیشہری کمیونٹیز میں صحت کی ضروریات مسلسل بڑھ رہی ہیں، اس لیے آخری سطح تک رسائی کو بڑھانا اور کمیونٹیز اور باضابطہ صحت کے نظام کے درمیان روابط کو مضبوط بنانا ایک اہم ترجیح ہے۔ AHKF پاکستان بھر میں صحت مند زندگیوں کے فروغ کے لیے پائیدار اور کمیونٹی کی قیادت میں چلنے والے حل کو آگے بڑھانے کے لیے پُرعزم ہے۔
Table of Contents
https://dailytimeline.pk/?p=10196
About The Author
